မြန်မာနိုင်ငံရှိ ပြင်းထန် Covid လူနာ၈-ဦးအား သွေးရည်ကြည်ကုထုံးဖြင့်အောင်မြင်စွာကုသပေးနိုင်ပြီဖြစ် ကြောင်း Covid လူနာများ ကုသရေး Ad-hoc အကြံပေးအဖွဲ့ဥက္ကဌ ပါမောက္ခဒါက်တာရဲမြက ရန်ကုန်မြို့၊ ဇီဝကလမ်းရှိ ဆေးသုတေသနဦးစီးဌာနတွင်ပြုလုပ်ခဲ့သော သတင်းစာရှင်းလင်းပွဲအတွင်း ပြောကြားခဲ့သည်။
သွေးရည်ကြည်ကုထုံးဖြင့် ကုသပေးခဲ့သူ ၈-ဦးတွင် အသက်ရဝကျော်အရွယ် လူနာ ၁-ဦး နှင့်အသက် ၆၀ ကျော်အရွယ်လူနာ ၆-ဦးနှင့် ရောဂါပြင်းထန်ပြီး လမစေ့သေးသည့် ကိုယ်ဝန်ဆောင် အမျိုးသမီးတစ်ဦး ပါဝင်ကြောင်း ၄င်းကဆိုသည်။
“ဒီသွေးရည်ကြည်ကုသမှုကို Covid ဖြစ်တဲ့သူတိုင်းကို ကုသမပေးပါဘူး။ Covidရဲ့ ပြင်းထန် လက္ခဏာ ရှိတဲ့သူတွေပေါ့။ ဥပမာဆိုရင်-အောက်ဆီဂျင်က ၉၃/၉၄ အောက်ဖြစ်ရမယ်။ အသက်ရှုနှုန်းက ၃၀ အထက် များနေမယ်၊အဆုတ်ပျက်စီးတာ ၅၀ ရာခိုင်နှုန်းရှိနေမယ်၊ သွေးဖြူဥကောင်ရေ စသဖြင့်သတ်မှတ်ချက်တွေနဲ့ ညီတဲ့သူတွေကိုပဲ ကုသပေးမှာပါ” ပါမောက္ခဒေါက်တာရဲမြကပြောသည်။
Covid လူနာတစ်ဦးအားသွေးရည်ကြည်ဖြင့်ကုသရန် သွေးရည်ကြည်၂ထုပ်လိုအပ်ပြီး လိုအပ်သည့်ပမာဏ ရရှိရန် Covid-19 ရောဂါပျောက်ကင်းပြီးသူ ၂-ဦးလိုအပ်ကြောင်းလည်း သိရသည်။
လက်ရှိတွင် သွေးရည်ကြည်ကုထုံးဖြင့်အောင်မြင်စွာကုသနိုင်ခဲ့သူ ၈-ဦးအနက် ၄-ဦးမှာရောဂါပိုးကင်း စင်သွားပြီဖြစ်သည့် အတွက် ဆေးရုံကဆင်းခွင့်ပြုလိုက်ပြီး ကျန် ၄-ဦးမှာ ရောဂါပိုးမရှိတော့သော်ငြား လည်း အခြားရောဂါအခံများရှိနေသေးသောကြောင့် ယင်းတို့ကိုကုသပေးနေသေးကြောင်းလည်း ပါမော က္ခဒေါက်တာရဲမြက ပြောကြားခဲ့သည်။
Ref; www.pyimyanmarnews.com